قصه مهر العروس

المساهمات : 24 تاريخ التسجيل : 05/04/2008

السلاام عليكم ورحمة الله وبركاته

تقدم شاب لخطبة فتاة
فلما وجد الأب فيه الصفات المناسبة طلب منه مهر ريال واحد سعودي
أدري أحين تقولون وين نحصل مثل ها لأبو ؟؟؟
قال الأب : نحن نشتري رجل ولا يهمنا المال
فرحا الشاب و تم الزواج

كانت هناك حركة يقوم بها الزوج دوما على سبيل المزاح
كلما اشترى الرجل قوطي بيبسي يقول لحرمته : أنتي والقواطي نفس الشيء كلكم بريال
والزوجة مقهورة وتكتم غيظها
طلعوا مرة يتمشون واشترى بيبسي قال لها : ههههههههههههههه
تخيلي ؟؟!! أنتي خسرتيني نفس ما خسرني البيبسي ههههههه

طفح الكيل .......

طلبت الحرمة تزور أهلها واشتكت هناك لأهلها من زوجها قائلة :
أرخصتم مهري فأرخص قدري

عصّب الأب وقال للزوج الذي أتى لأخذ زوجته :
خليها اليوم وتعال أنت وكل أهلك بكرة عندنا عزيمة

فرح الرجل ( ما يدري شو بيصير له )
اليوم الثاني أتى هو وعائلته الذين خطبوها

فوضع لهم الأب قوطي بيبسي
استغرب الضيوف لكن الزوج بدأ يشعر أن السالفة عن تعليقاته
ثم أتى الأب بقوطي ثاني وثالث
ووضعها أمام أهل الشاب قائلا لهم :
أخذتوا بنتنا بقوطي بيبسي والآن نعطيكم 3 قواطي ورجعوها

كاد الزوج يغمى عليه من الإحراج

أما أهله فلم يفهموا شيئا
شرح لهم الأب الموقف فغضب الجميع على الزوج

أهكذا جزاء من أكرمك؟؟

حلف الأب ألا تخرج البنت من بيته إلا ب300 ألف ريال

وأيده الجميع ...
أحرج الزوج وعلم أنه يستحق ما حصل له

عاد ابي رايكم يا بنات وهل تأيدون تقليل المهر؟ scratch

نبي تفاعلكم bounce

...

المساهمات : 271 تاريخ التسجيل : 11/04/2008

وعليكم السلام والرحمة والاكرام ..

القصة احسها مدري كيف ههه ..
بس ندخل في سؤال ونجاوب عليه ..
هل نؤيد قلة المهر والا لا ..
خلونا نبتعد قليلا عن المثالية ...احنا ندري انو شؤم المرأة غلاء مهر وانو اكثرهن بركة ايسرهن مهرا او شيء من هالقبيل <<< عشان ما ابي احرف ..
بس خل نكون واقعيين اتوقع لو سائلة هالسؤال في مجتمع بدوي ومهرهم 100 الف اوكي ...
بس احنا مجتمعنا المهر 25 الف احسها بالكاد تكفي حق التجهيز ولا شفت بنت وفرت من مهرها ..
الا بعضهم يزيدون عليه ..خاصة الحين مع غلاء الذهب والامور الاخرى ...
اضيفي الى ذلك انو هالايام غير عن ايام قبل تقريبا قبل 10 سنوات ..كان المهر كمان 25 الف مع انه الامور اللي بتشتريها وبتصرف عليها اقل ...
فاتوقع المهر كويس ..والله يساعد الشباب المقبلين ع الزواج خخخ
يسلمو ع النقاش الكوول

المساهمات : 24 تاريخ التسجيل : 05/04/2008

شكرا سدرة المنتهى نورتي الموضوع بردك Laughing

واتمنى انه عجبك
drunken

المساهمات : 33 تاريخ التسجيل : 13/04/2008

مشكوررررررة على هذا الموضوع الشيق

مشرف المساهمات : 233 تاريخ التسجيل : 05/04/2008

مشكورة على القصة الجميلة و عندي شوية تعليقات :

أولا : أعتقد أن الأب أخطأ من البداية حين طلب مهرا لابنته مقداره ريال واحد فقط ( يعني كان بإمكانه أنه ما يبالغ لكن يحط سعر يحفظ كرامة البنت )

ثانيا : الزوج يستاهل اللي صار له و أكثر بعد عشان يقدر النعمة اللي كان عايشها ، رحموه من غلاء المهر و طلع مو كفو !! يخرب بيتو هيك يساوي بمرتو !!! يقهرها عالطالعة والنازلة و يقارنها بعلبة بيبسي

ثالثا : أجمل ما في القصة دور الأهل وقفوا مع البنت و أبوها وما قالوا خلاص و ما يعيدها

المساهمات : 24 تاريخ التسجيل : 05/04/2008

مشكوره ضوء القمر ورايك في محله Razz

مشرف المساهمات : 233 تاريخ التسجيل : 05/04/2008

حبيت أعلق شوية على كلام سدرة المنتهى tongue

اقتباس :: وعليكم السلام والرحمة والاكرام ..

القصة احسها مدري كيف ههه ..
بس ندخل في سؤال ونجاوب عليه ..
هل نؤيد قلة المهر والا لا ..
خلونا نبتعد قليلا عن المثالية ...احنا ندري انو شؤم المرأة غلاء مهر وانو اكثرهن بركة ايسرهن مهرا او شيء من هالقبيل <<< عشان ما ابي احرف ..

منين طالعة بهالحكي

اقتباس :: بس خل نكون واقعيين اتوقع لو سائلة هالسؤال في مجتمع بدوي ومهرهم 100 الف اوكي ...

يا عيني عالبدوية يقولون البدوية السنعة مهرها ثلاثة جمال و الجمل الواحد بــ 100 ألف أصحي تضحكي على الجمل !!

اقتباس :: بس احنا مجتمعنا المهر 25 الف احسها بالكاد تكفي حق التجهيز ولا شفت بنت وفرت من مهرها ..

25 ألف في نظري رقم معقول وعلى جاري العادة فهو ما يجي لوحده جاي ومعاه قطعتين من القماش و طقم ذهب و عباية و غطوة و أحيانا عباية لأم العروسة يعني مع 25 ألف مكملات و بشيء من حسن التصرف يمكن توفير جزء ولو بسيط من المهر

و إن كنت لم تسمعي من قبل عن بنت وفرت من مهرها فسوف أكون أول وحدة في قاموسك لأن الأهل استطاعوا توفير مبلغ لا بأس به ( رحت به الحج و لسه باقي منه شوية حسب آخر إحصائية Wink

)

اقتباس :: الا بعضهم يزيدون عليه ..خاصة الحين مع غلاء الذهب والامور الاخرى ...

هذي اللي بتطاوع صديقاتها في كل حاجة و في الأخير ثياب ما راح تلبسها مرة ثانية و لا راح تأجرها مدري وش الفايدة ، أهم شيء أن البنت تطلع حلوة وبأسعار معقولة، مش أنها تكون حلوة و هي تصرف اعتباطا لأن في الآخر هي الخسرانة وفي فترة تجهيزي الحمد لله تمت الأمور على خير و استشارة ذوي الخبرة فادتني كثير

اقتباس :: اضيفي الى ذلك انو هالايام غير عن ايام قبل تقريبا قبل 10 سنوات ..كان المهر كمان 25 الف مع انه الامور اللي بتشتريها وبتصرف عليها اقل ...فاتوقع المهر كويس ..

في هذي معك حق الأيام تغيرت صح و الغلاء في كل شيء حتى في الأكل و يمكن أتفق معك في هالنقطة و مع ذلك لا يعني هذا بالضرورة زيادة في المهر

اقتباس :: والله يساعد الشباب المقبلين ع الزواج خخخ
يسلمو ع النقاش الكوول

الله يكونوا في عونهم فعلا وراهم مصاريف يفكرون فيها مو القضية مهر و انتهت السالفة ( لا يدري خطيبك الحين يرتاع ترى أمزح وياك بس tongue

)

المساهمات : 271 تاريخ التسجيل : 11/04/2008

اقتباس :

منين طالعة بهالحكي

شؤم المراة ذا حديث معروف ,,حتى الائمة (ع) رووه عنن النبي (ص)
اما الثاني مدري اذا كان حديث والا مثل ..بس دايم اسمعه ..
حتى بعضهم يقولون مهرها كان بس قران عشان تصير بركة ههههه

اقتباس :

و إن كنت لم تسمعي من قبل عن بنت وفرت من مهرها فسوف أكون أول وحدة في قاموسك لأن الأهل استطاعوا توفير مبلغ لا بأس به ( رحت به الحج و لسه باقي منه شوية حسب آخر إحصائية Wink ).

هههه بصراحة مدري ..هو يمكن الوحدة توفر شوي ..
بس مو تحج منه وتوفر ومدري وشو احس ما يمدي ..يمكن انتي لانك قبل 5 سنين مدري 6 عرستي فالظروف غير شوي ..
شوفي انا معاك بصراحة انو بعض البنات يصرفون كثيـــــــــر ع الفاضي ...
وعلى اشيا اساسا ما بتفيدها ولا حتى بتبينها كشخة ..
بس انا مع انو الوحدة اذا ودها ما توفر من المهر الا شوي ..وتسوي كل شي نفسها فيه ..ما لازم تبخل على نفسها ..
لانها بصراحة مناسبة مرح تتكرر مرة ثانية فلازم تدلع نفسها وتكشخ ..بس اكيد مو بتهور ..
وهم في النهاية هالكشخة ما بتروح سدى ..هالكلام اخص به البنات اللي تكون عندها دخل ..
مثلا تكون موظفة او تدرس جامعة وتاخذ مكافاة ..فما بيضرها لو صرفت المهر ..
اذا كانت تعرف كيف توفر مكافاتها وتخلي عندها مبلغ توفير لوقت الحاجة ..

اقتباس :

في هذي معك حق الأيام تغيرت صح و الغلاء في كل شيء حتى في الأكل و يمكن أتفق معك في هالنقطة و مع ذلك لا يعني هذا بالضرورة زيادة في المهر

انا ما قلت يزيدون المهر ..بس قلت انه الحين مناسب جدا جدا ..
بس اذا عقب كم سنة استمر معدل الارتفاع في الاسعار على نفس الوتيرة اتوقع بيصير لازم يزيد المهر

اقتباس :

الله يكونوا في عونهم فعلا وراهم مصاريف يفكرون فيها مو القضية مهر و انتهت السالفة ( لا يدري خطيبك الحين يرتاع ترى أمزح وياك بس tongue )

ايه ..اللي عرسو ولد يعرفون شهالمصاريف ..بصراحة احنا محظوظات حيييييييل
ان الولد يجيب المهر ويحط الشقة والاثاث والصالة والعشا <<< قصدها كل شي ..
اما الايرانيين والعراقيين احسها معاااااااااناة ..لان البنت هي اللي تجهز

مشرف المساهمات : 233 تاريخ التسجيل : 05/04/2008

اقتباس :: شؤم المراة ذا حديث معروف ,,حتى الائمة (ع) رووه عنن النبي (ص)
اما الثاني مدري اذا كان حديث والا مثل ..بس دايم اسمعه ..
حتى بعضهم يقولون مهرها كان بس قران عشان تصير بركة ههههه

قصدي أنك بعدك على هالكلام مو أنه ما لا أساس ، يعني هالكلام الأمهات و الأباء هم اللي يقولونه ما يجي من بنية زغنطوطة مثلك !!
و أكيد الأحاديث و الروايات تدعم مسألة التيسير في المهور

اقتباس :: هههه بصراحة مدري ..هو يمكن الوحدة توفر شوي ..
بس مو تحج منه وتوفر ومدري وشو احس ما يمدي ..يمكن انتي لانك قبل 5 سنين مدري 6 عرستي فالظروف غير شوي ..
شوفي انا معاك بصراحة انو بعض البنات يصرفون كثيـــــــــر ع الفاضي ...
وعلى اشيا اساسا ما بتفيدها ولا حتى بتبينها كشخة ..
بس انا مع انو الوحدة اذا ودها ما توفر من المهر الا شوي ..وتسوي كل شي نفسها فيه ..ما لازم تبخل على نفسها ..
لانها بصراحة مناسبة مرح تتكرر مرة ثانية فلازم تدلع نفسها وتكشخ ..بس اكيد مو بتهور ..
وهم في النهاية هالكشخة ما بتروح سدى ..هالكلام اخص به البنات اللي تكون عندها دخل ..
مثلا تكون موظفة او تدرس جامعة وتاخذ مكافاة ..فما بيضرها لو صرفت المهر ..
اذا كانت تعرف كيف توفر مكافاتها وتخلي عندها مبلغ توفير لوقت الحاجة ..

إذا الوحدة متبصرة من البداية و عندها من ينصحها في كل كبيرة وصغيرة ما راح تضيع المهر عالفاضي ، يعني أنا تعرفت على وحدة ما حصل لها من ينصحها عدل و ما كانت تدري أن محلات تأجير ثياب ليلة العرس بإمكانهم أنهم يضبطون الفستان على المقاس اللي تعطينهم إياه يعني مو ضروري أنها تلف الدنيا عشان تأجر فستان من قريبة أو صديقة بس لأن مقاسهم واحد و يا ليت المسكينة استفادت بالعكس الفستان لبس أكثر من مرة و المفروض أن سعره يقل و صديقته بالعكس تضربت فيها لأنها بحاجة ماسة للفلوس و البنية ما حصلت ثوب غيره فوافقت و خسرت فيه و كل هذا لأنها ما تدري أن المحلات يوفرون ثياب أفضل و بسعر مناسب

و الذهب غالي من فترة مو بسيطة بس إذا الوحدة تعرف محل و تتعامل معاه من زمان فأكيد راح يراعيها و بالنسبة لي حتى فستان العرس اتضح أن صاحب المحل يعرف الوالد فتوصى فينا من الأول

و أنا ما أقول أن البنت تبخل على نفسها أقول تحكم عقلها يعني تكشخ بالمعقول و ما تصدق صديقاتها في كل شيء ، يعني أنا ما أشوف له معنى أن الوحدة تأجر مصورة بألف ريال عشان ليلة وحدة ، الهدف من التصوير أنه يظل ذكرى وش فايدة هالذكرى اللي بتضيع ألف ريال حق ليلة بس و إذا الوحدة بتقول معليش هي ليلة و ما راح تتكرر فهي صارت تتكلم بلسان الأجانب اللي كل مرة تستضيفهم أوبرا وينفري يتدينون عشان ليلة العمر و آخرتها يظلون يسددون في ديون هالليلة طول عمرهم ، بأيش نفعتهم ليلة العمر !!
و البنت اللي عندها مدخول ثابت تقدر تستفيد منه لكن المهم أنها ما تضيعه على الفاضي و أن تحط في حسابها المستقبل مو توقف عند ليلة وحدة
أرجع وأقول أن الكشخة المتزنة والمعقولة غير الكشخة المرادفة للتبذير

اقتباس :: ايه ..اللي عرسو ولد يعرفون شهالمصاريف ..بصراحة احنا محظوظات حيييييييل
ان الولد يجيب المهر ويحط الشقة والاثاث والصالة والعشا <<< قصدها كل شي ..
اما الايرانيين والعراقيين احسها معاااااااااناة ..لان البنت هي اللي تجهز

حسب علمي الهنود هم اللي عندهم أن التجهيز يكون على البنت أتاري حتى الإيرانيين و العراقيين ، مأساة حقيقية !!

المساهمات : 271 تاريخ التسجيل : 11/04/2008

اقتباس :

يعني هالكلام الأمهات و الأباء هم اللي يقولونه ما يجي من بنية زغنطوطة مثلك !!

خخخ يوه يعني انا اتكلم كلام كبار ؟! يعني انا عقلي كبير خخخ
<<< صدقت نفسها هع ..

اقتباس :

يعني أنا تعرفت على وحدة ما حصل لها من ينصحها عدل و ما كانت تدري أن محلات تأجير ثياب ليلة العرس بإمكانهم أنهم يضبطون الفستان على المقاس اللي تعطينهم إياه يعني مو ضروري أنها تلف الدنيا عشان تأجر فستان من قريبة أو صديقة بس لأن مقاسهم واحد و يا ليت المسكينة استفادت بالعكس الفستان لبس أكثر من مرة و المفروض أن سعره يقل و صديقته بالعكس تضربت فيها لأنها بحاجة ماسة للفلوس و البنية ما حصلت ثوب غيره فوافقت و خسرت فيه و كل هذا لأنها ما تدري أن المحلات يوفرون ثياب أفضل و بسعر مناسب

عجيـــــــــــــبة هالبنت اش ذا ..موب عايشة في الدنيا ؟!
وين خواتها والا ربعها والا امها ..ما اصدق !!
وبعدين رفيقتها بعد الله يسامحها هذا بدال ما تنصحها ..تقوم تستغل الظرف ...

اقتباس :

و الذهب غالي من فترة مو بسيطة بس إذا الوحدة تعرف محل و تتعامل معاه من زمان فأكيد راح يراعيها و بالنسبة لي حتى فستان العرس اتضح أن صاحب المحل يعرف الوالد فتوصى فينا من الأول

هههههه هذا حق الناس اللي ابوه يعرف رواعين المحلات ..
سما اختك كذا مرة قالت لي قصص من هالقبيل ..اما اللي ما عندهم واسطة مجبورين

اقتباس :

صارت تتكلم بلسان الأجانب اللي كل مرة تستضيفهم أوبرا وينفري يتدينون عشان ليلة العمر و آخرتها يظلون يسددون في ديون هالليلة طول عمرهم

ايه بصراحة احس قمة الغباء .. والمراة السنعة لازم من البداية تقدر ظروف زوجها عشان تكبر في عينه ...
اجل وحدة اعرفها قصت لي قصة وحدة ثانية ...
الا تبي تتزوج في صالة فخمــــــة مدري وش اسمها زوجها مسكين ما يقدر ...
وبدال ما تقدر ظروفه وتقتنع ..خاصة ان الصالة مو شي له ذيك الاهمية ..قالت الا لازم الصالة الفلانية ..وش تبي الناس يقولون عني ..اني اقل من ربعي ؟! ..
قال لها اجل تنازلي عن غرفة النوم ..قامت تنازلت عنها <<< يمكن لانهم ما يورون الناس الشقة فما بتتفشل قدام ربعها هع ...
فتحسين هم اغلبه انه شلون ما يصير لازم نصير زي الناس واحسن من الناس وكلام الناس !!!

اقتباس :

يعني أنا ما أشوف له معنى أن الوحدة تأجر مصورة بألف ريال عشان ليلة وحدة

ههههههههههههههه موتتيني ضحك ..شكلك مب في الدنيا ..
اصلا ناااادرا ان يكون التصوير بـ 1000 بس ...العادة اذا بتصور فيديو يكون بـ 2000
هذا اذا ما خذت عدد صور اكبر وكان التصوير بـ 3000 ..
انا بصراحة وحدة من الناس لااااا يمكن احط 3000 من مهري عشان استديو ..
حشى اش بقى من المهر !!! بس اؤيد انها تصور صور سنعة وحلوة وتخلد هالليلة ..
بس يعني لا تبالغ ..وع العموم انا ما ينخاف علي ترا بابا الله يحفظه ويخليه كان داااايم يسميني " الرشيدة "
يقول لاني اعرف كيف اصرف الفلوس واوفر منها خخ
بس عندي لك ملحوظة سعنتوتة :
لا تقولين هالكلام قدام مرة اخوك ان شا الله فهمتي قصدي خخ

اقتباس :

حسب علمي الهنود هم اللي عندهم أن التجهيز يكون على البنت أتاري حتى الإيرانيين و العراقيين ، مأساة حقيقية !!

لا حتى العراقيين والايرانيين ..واصلا عندهم حركة بعد ..
ان اول مولود يعني البكر للبنت ..الابو والام ما لهم شغل في التجهيز له ..
لازم جدته ام امه = اهل البنت هم اللي يجهزون له خخخخ
وعاد تعالي شوفي التجهيزات مو اي كلام ..سرير والعاب ودولاب ومشاية وكل شي بيحتاج له لين يصير عمره 4 يمكن ..
لا والطريف انها ما تشوف مثلا وش بتجيب بنتها وتجهز على اساسه ..
لا لازم تجهز حق بنت وحق ولد عشان في حال جا ولد والا جا بنت <<< شوفي التبذير والحيرة بالعمر على اصولها ...

مشرف المساهمات : 233 تاريخ التسجيل : 05/04/2008

اقتباس :: خخخ يوه يعني انا اتكلم كلام كبار ؟! يعني انا عقلي كبير خخخ
<<< صدقت نفسها هع ..

اقتباس :: عجيـــــــــــــبة هالبنت اش ذا ..موب عايشة في الدنيا ؟!
وين خواتها والا ربعها والا امها ..ما اصدق !!
وبعدين رفيقتها بعد الله يسامحها هذا بدال ما تنصحها ..تقوم تستغل الظرف ...

أنا تعرفت على هالبنية بعد الزواج بكم يوم و شفتها مرة وحدة بس و الصراحة كسرت خاطري حيل حتى الصور إذا ما خانتني الذاكرة كان المفروض أنها تصور كذا صورة ومن الزحمة عند الاستديو ما صورت إلا صورتين و ما عجبوها تصديق كانت على وشك أنها تمزق صورة من الصورتين بس زوجها دخل في ذيك اللحظة و ما سمح لها أنها تمزقها

اقتباس :: هههههه هذا حق الناس اللي ابوه يعرف رواعين المحلات ..
سما اختك كذا مرة قالت لي قصص من هالقبيل ..اما اللي ما عندهم واسطة مجبورين

الله يكون في عون الجميع يعني فعلا المعرفة تنفع في مثل هالمواقف !

اقتباس :: ايه بصراحة احس قمة الغباء .. والمراة السنعة لازم من البداية تقدر ظروف زوجها عشان تكبر في عينه ...
اجل وحدة اعرفها قصت لي قصة وحدة ثانية ...
الا تبي تتزوج في صالة فخمــــــة مدري وش اسمها زوجها مسكين ما يقدر ...
وبدال ما تقدر ظروفه وتقتنع ..خاصة ان الصالة مو شي له ذيك الاهمية ..قالت الا لازم الصالة الفلانية ..وش تبي الناس يقولون عني ..اني اقل من ربعي ؟! ..
قال لها اجل تنازلي عن غرفة النوم ..قامت تنازلت عنها <<< يمكن لانهم ما يورون الناس الشقة فما بتتفشل قدام ربعها هع ...
فتحسين هم اغلبه انه شلون ما يصير لازم نصير زي الناس واحسن من الناس وكلام الناس !!!

عاد هذا اللي نقول عن اللي تحط في حسابها راي صديقاتها و لا تفكر في الضروريات اللي تحتاجها

اقتباس :: ههههههههههههههه موتتيني ضحك ..شكلك مب في الدنيا ..
اصلا ناااادرا ان يكون التصوير بـ 1000 بس ...العادة اذا بتصور فيديو يكون بـ 2000
هذا اذا ما خذت عدد صور اكبر وكان التصوير بـ 3000 ..
انا بصراحة وحدة من الناس لااااا يمكن احط 3000 من مهري عشان استديو ..
حشى اش بقى من المهر !!! بس اؤيد انها تصور صور سنعة وحلوة وتخلد هالليلة ..
بس يعني لا تبالغ ..وع العموم انا ما ينخاف علي ترا بابا الله يحفظه ويخليه كان داااايم يسميني " الرشيدة "
يقول لاني اعرف كيف اصرف الفلوس واوفر منها خخ
بس عندي لك ملحوظة سعنتوتة :
لا تقولين هالكلام قدام مرة اخوك ان شا الله فهمتي قصدي خخ

الله يزيدك عقل إن شاء الله و معاك حق أنا أحس أني مو في هالدنيا يعني مسألة 1000 حق التصوير هذا من زمان شيدريني وين وصلت الأسعار الحين

اقتباس :: لا حتى العراقيين والايرانيين ..واصلا عندهم حركة بعد ..
ان اول مولود يعني البكر للبنت ..الابو والام ما لهم شغل في التجهيز له ..
لازم جدته ام امه = اهل البنت هم اللي يجهزون له خخخخ
وعاد تعالي شوفي التجهيزات مو اي كلام ..سرير والعاب ودولاب ومشاية وكل شي بيحتاج له لين يصير عمره 4 يمكن ..
لا والطريف انها ما تشوف مثلا وش بتجيب بنتها وتجهز على اساسه ..
لا لازم تجهز حق بنت وحق ولد عشان في حال جا ولد والا جا بنت <<< شوفي التبذير والحيرة بالعمر على اصولها ...

إيش هالحالة الله يعينهم !!!

» ثوب العروس العروس ابيض لماذاااا ؟؟؟