موضوع: مواقف محرجه من الاطفال .... وناسه الجمعة أبريل 18, 2008 7:08 am
مواقف محرجه من الاطفال .... وناسه
تقول وحده من الأمهات .. كنت معزومة على حفل عشاء فأخذت ابنتي الصغيرة معي ،فلما جلسنا حول البوفيه ظنت انه مطعم وقالت بصوت عال : هذا الأكل بفلوس و إلا ببلاش؟؟ فضحكوا عليها الحاضرات.
والثانية ... جانا ضيوف وجابوا معهم هديه للمولود الجديد فكان ابني يريد فتحها
فقلت له ( اصبر حتى يذهبوا ) صار يدخل ويطلع ولما مل الولد من الانتظار دخل وقال بصوت مرتفع .... (خلاص أبفتحها شكلهم بينامون عندنا !!!!(
وقالت وحده بعد ... ذهبنا في زيارة لعمات زوجي ، وحده منهم كبيرة في السن قلت لولدي حب رأسها فرفض وقال ريحة رأسها شينه !!! -يقصد الحناء- شوفوا الإحراج اللي صار لي ...!!!
كما قالت.. جتني وحده من صديقاتي وكانت ملامحها تشبه دول شرق أسيا فجلست بنتي تطالعها بقوه ، و لما قلت لها عيب ردت وقالت شكلها شغالة.
هذه من جد يبغالها بالشنطه على رأسها...أخذت من أختي شنطه ورحنا لحفله ومعنا بنت أختي ولما وصلنا وخلعت عبايتي حتى شافت بنت أختي الشنطه وقامت تسحبها بقوة وهي تقول ( حقت ماما هاتيها ) !!! وأنا أحاول أسكتها
... !!!
و وحده تقول .. زوجي كان عنده ضيوف على العشاء وحطيت العشاء كله لهم وكان ولدي يبي يتعشى قلت له: إذا خلصوا الرجال بنتعشى.. رحت أصلح لهم الشاهي .. راح ولدي دخل على الضيوف وقال لهم ( لا تخلصون العشاء لأنا بنتعشى أنا وأمي بعدكم ) !!! شوفوا وجه أبوه وقتها
....!!!
وحده تقول ....بنتها دايم تحرجها بنقل الكلام قدام الناس – هذا عيب اللي يحش
بالناس - تقول : مره كنت أكلم صديقتي بالهاتف وكنت أقولها عن وحده من جاراتي وإني ما أطيقها دمها ثقيل وإذا جت تجلس عندي بالساعات في بيتي وتحب الكلام الكثير ومره دق الباب وطلعت جارتي قلت لها : تفضلي وجتها بنتي الصغيرة وقالت بصوت عالي : يمه هذي جارتنا اللي دمها ثقيل واللي إنتي ما تحبينها !!! طيب ليش تدخلينها البيت ..!!! تقول الأم : صار وجهي مية لون ..!!!! ويوم سمعت جارتي هذا الكلام زعلت وطلعت من البيت
....!!!
تقول أخرى .....هذا موقف حصل لي ومع أقاربي : كنا بنصلي المغرب جماعه في إحدى الاستراحات وكان أمامنا طفلين , الأول يقول للثاني : أنا اسم أمي فاطمة , ايش اسم أمك انتا ؟؟؟؟ يرد عليه الولد الثاني وهو اصغر منه بكثير : اسم أمي ماما !!! وهاتك ضحك وحنا نصلي استغـفـر الله ما قدرنا نمسك الضحكة .!!!
في المدرسة ...كانت المعلمة تشرح لطالبات الصف الثالث الابتدائي عن وسائل
الاتصال الحديثة مثل الهاتف والتلكس والبريد الجوي والفاكس فرفعت إحدى
الطالبات الصغيرات يدها وقالت: أبله حنا عندنا فاكس في البيت عند جدتي
وتستعمله كل يوم....!! فشجعتها المدرسة على إكمال حديثها وقالت: وكيف
تستخدمونه؟؟؟ فقالت الطفلة: تدهن به ...-البنت بالطبع كانت تقصد دهون الفكس
....!!!!!
إحدى الأمهات اعتادت أنها ترى ابنها الصغير يطارد الدجاجات ويدخلها إلى محلها ويحرص على إبقاء الديك في الخارج وعندما سألته عن السبب قال: ذولا حريم ما يطـلعـن من البيت ويشوفن الرجال....!!
أيضاً في المدرسة ...طفلة في الروضة كانت تعبث بأنفها أثناء الحصة ...
جاء بيكحلها عماها ...دعيت العائلة للعشاء عند أحد أقارب الزوج وأثناء تناول
الطعام كانت صاحبة المنزل تضـيّـف الأم وتصر عليها أن تأكل صحناً آخر بينما كانت تتمنع.. فرد الطفل بلهفة لإنقاذ أمه من المأزق .... (( لا تحطين لها صحن ثاني ترى بابا يقولها لا تكثرين أكل انتفختي !!! )):
شو رايكم بالأطفال
منقول
~*سدرة المنتهى*~
المساهمات : 271 تاريخ التسجيل : 11/04/2008
موضوع: رد: مواقف محرجه من الاطفال .... وناسه الجمعة أبريل 18, 2008 8:42 am
ههههههههههههه موافق تموت ضحك خخخخ واجد منها تذكرني بسوالف صارت لي والا لاطفال معاي ... اش رايكم كل وحدة منا تقول من هالمواقف حقيقي صارت لها ؟
يللا انا ببتدي ..
واحد من اخواني الصغار لما كان صغير .. كانت تجي وحدة افغانية في بيت ابوي السيد وتاخذه تبوسه .. وبس تهده يقعد يمسح خده خخخخ عاد هي انتبهت له وقامت تضحك خخخخخخ
هذا الموقف يوم كنت صغيرة .. كانت فيه وحدة جاية بيتنا وانا قاعدة اطالع في وجهها مدة طويلة <<< قوية عين .. تقول لي بنت خالي بعدين ..اش فيك تطالعين المرة ؟! قلت لها : قاعدة احسب حبات الخال اللي في وجهها ..ترا واجد <<< فضاوة الاطفال خوفي بس تكون المرة حست فيني وانا ابحلق خخخ
يا ربي واجد مواقف تصير بس لما بنتذكرها تطير ..
ذيك السنة كنا رايحين اصفهان مع بيت خالي وبيت خالتي .. عاد كنا بنطلع واللي متغطي واللي لساع ما تغطى ..الا بيمر زوج خالتي .. قام ولد خالي بسررررعة نزل غطاية امه يقول لها يللا تغطي .. <<< اش هالغيرة حشى بتتغطى هي ..قالو لك لازم انت تغطيها !! ...خخخخ
ذاك اليوم يوم كنا صغار انا في ابتدائي قاعدة اقرا وكذا قلت " الله تعالى " قالت لي اختي اللي اصغر مني : هي انتي ..ترا الله ما يجي ..!! <<< عبالها قاعدة اقول "تعال" هع ..
مرة اختي الصغيرة شافت بيبي توه مولود وتعرفون تصير وجيههم حمرااااا .. قامت تقول لامي : اش فيه حاط مكياج ؟! خخخخ
فيه موقف بعد يوم كنا صغااار ..كانت اختي اللي اصغر مني مترافقة مع بنت جيراننا .. وهالبنت تقول حرف الراء غين ..عاد اختي بدت تتاثر وتقلب شوي في الراء .. قام ابوي كله ينبهها ويقول لها لا تقولينها كذا علشان لا تتعود .. المهم عاد هي قللت من هالعادة وصارت تتكلم عادي ..في يوم كنت مشتهية اتسبب ..خذت اختي المطبخ قلت لها روحي الصالة قولي لبابا : بابا ودني حديقة الحيوان ابي اشوف الزغافة <<< يعني الزرافة .. تقوم تروح مع وجهها تقول له : بابا تقول سدرة ودني الحديقة ابي اشوف الزغافة ..خخخخ عاد ابوي عرف اني اللي محفظتها الكلام ...ولا قال لها شي <<< قهر صح ؟
امممممممممم هذا اللي اذكر الحين ... لين تذكرت بعد بجي بقول لكم ..
ضوء القمر مشرف
المساهمات : 233 تاريخ التسجيل : 05/04/2008
موضوع: رد: مواقف محرجه من الاطفال .... وناسه الجمعة أبريل 18, 2008 8:52 am
the holy lady
يسلمو على الموضوع الحلو مرة
بصراحة موقف محرجة والإنسان ما يتمنى أنه يتعرض لأمثالها
~*سدرة المنتهى*~
يسلمو هلى الإضافة الجميلة و المواقف المضحكة
اقتباس :
بابا تقول سدرة ودني الحديقة ابي اشوف الزغافة ..خخخخ
عاد هذه موتتني من الضحك زغافة
the holy lady
المساهمات : 33 تاريخ التسجيل : 13/04/2008
موضوع: رد: مواقف محرجه من الاطفال .... وناسه الجمعة أبريل 18, 2008 11:44 am
سدرة المنتهى و ضو ء القمر شكرا على مروركم الرائع و انا عجبتني سالفة البيبي اللي حاط مكياج
~*سدرة المنتهى*~
المساهمات : 271 تاريخ التسجيل : 11/04/2008
موضوع: رد: مواقف محرجه من الاطفال .... وناسه الجمعة أبريل 18, 2008 11:59 am
المشكلة مثل ما قلت كل المواقف طارت لمن بغيتها حاولت أتذكر ما طلع معاي إلا موقف واحد
يوم كنت صغيرة كنت متوحشة و دايما في هوشات و أتقوى على الصغار و كل ما يكون في أحد يصيح متوقع أنه أنا اللي مصيحته !! المهم يوم كنا في المدينة نزل علي الوحي و قلت خلاص لازم أصير خوش بنية و ما أتنمر على العيال و ما كذبت خبر مسكت إيدي و إلا ذاك الجاهل اللي يصيح قال الوالد أكيد قمر هي اللي طاقته عاد تخيلي شكلي من الصدمة الحين بصير عاقلة و هذا آخرتها !!!
~*سدرة المنتهى*~
المساهمات : 271 تاريخ التسجيل : 11/04/2008
موضوع: رد: مواقف محرجه من الاطفال .... وناسه الإثنين أبريل 21, 2008 12:28 am
ههههههههههههه تصدقين ؟ كله كنت اتخيلك مطقوقة هههه اثرك طلعتي موب هينة
ضوء القمر مشرف
المساهمات : 233 تاريخ التسجيل : 05/04/2008
موضوع: رد: مواقف محرجه من الاطفال .... وناسه الإثنين أبريل 21, 2008 6:13 am
اقتباس :
ههههههههههههه تصدقين ؟ كله كنت اتخيلك مطقوقة هههه اثرك طلعتي موب هينة
الله يهداك بس أنا تخيلتيني مطقوقة ، أنا يوم كنت صغيرة كنت أتهاوش حتى مع الأولاد اللي أصغر مني بشوي بس
Windows Lady
المساهمات : 28 تاريخ التسجيل : 17/04/2008 العمر : 34
موضوع: رد: مواقف محرجه من الاطفال .... وناسه الخميس أبريل 24, 2008 2:21 am
ههههه
الف شكر
مايحضرني موقف هالحين
تسلم الايادي
the holy lady
المساهمات : 33 تاريخ التسجيل : 13/04/2008
موضوع: رد: مواقف محرجه من الاطفال .... وناسه الخميس أبريل 24, 2008 4:51 am
الرئيسية 
البوابة 
أحدث الصور 
الجمعة أبريل 18, 2008 7:08 am
<<< فضاوة الاطفال 
