الرئيسيةالرئيسية  البوابةالبوابة  اليوميةاليومية  س .و .جس .و .ج  بحـثبحـث  الأعضاءالأعضاء  التسجيلالتسجيل  دخولدخول  

شاطر | 
 

 أمثال حساوية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ضوء القمر
مشرف
avatar

المساهمات : 233
تاريخ التسجيل : 05/04/2008

مُساهمةموضوع: أمثال حساوية   السبت مايو 24, 2008 6:56 am





السلام عليكم و رحمة الله و بركاته


من يومين استعرت كتاب من زميلة لي اسمه المرأة : مدخل من خلال الأمثال في الأحساء لمؤلفه عبدالله عبدالمحسن الشايب و حبيت أضع بعض الأمثال قبل ما أرجعه


1 ) هذا جلدك يا حَيفه لو تفركينه بسبعين ليفه

معناه أن الإنسان مسؤول عن تطوير ذاته و ما أحد مسؤول عنه مثل نظافته الشخصية





2 ) هي و رَجِلْها تنجاز


يقال في عدم التدخل حتى لو كان الأمر سيئا





3 ) ودها بمها وودها بالرجل


يقال لمن يحتار بين خيارين جميلين مثل اللي تبي تظل مع أمها و تبي تتزوج





4 ) يا من شرى له من حلاله علة


يقال فيمن لا يحسن الاختيار كمن يتزوج امرأة لا تسعده




5 ) حلاوة الثوب رقعته منه و فيه


يقال لتشجيع التعامل الحسن بين الطرفين مثل الزواج من الأقارب ( عشان أستر للعيوب )




6 ) حصل لها رَجِل و قالت عور


للي يحصل على مراده و يرفضه مثل اللي يتقدم لها رجل و تعيب عليه أنه أعور اللي يسمع من كثر خطابها





7 ) خاويني و خاويش و أخذ رجلش و خليش


لليصطاد في الماء العكر مثل المرأة اللي تكون علاقة مع أخرى عشان تاخذ زوجها منها



8 ) فلان أخو اخته


يقال للرجل يدافع عن أخته عند نسيبه و ينعرف أنه مثلها ( خوش أخو )





9 ) في حضني و ينتقدني

للتعجب من الإيذاء الحاصل من المستفيد مثل الطفل اللي في حضن أمه و يرفس ( يا عيني )



10 ) الكوكه تعايب على أم زِرْ

للي تعايب الناس مع أنها معيوبة مثل المرأة الذميمة الخلقة ( كوكة ) و تعايب على فاقدة العين




11 ) لا بغيت و لا خطيت و لا على جاري تعديت و لا اتهمت بنية البيت


للي يأكد الطيبة في سلوكه و يستغرب من الآخرين إذا نسبوا له شيء مو زين





12 ) مثل البنت المربوعة

للمدح و الوصف الجميل يعني مثل البنت الممتلئ عودها فهي لا عود و لا متينة خخخ





13 ) متعود على الصدعات قلبي

للمرأة اللي تصبر على تصرفات زوجها و ترفض تتخلى عنه





14 ) ما شا الله عليش يا بنت عمي فراشش مفروش و مصخنتش تجني


للمدح مثل بنت العم اللي تأدي أعمالها عدل من ترتيب الفراش و ملء الجرة ( يعجبني هالمثل )

15 ) ما تعرف خيري إلا لما تجرب غيري




16 ) مرة الرَجِل عظمها في القبر يجرح
17 ) مرة الرجل حارة


للضرة أنها مستحيل تكون صاحبة و أنها مثل نار تشتعل ، و أن أذاها يظل حتى بعد موتها




18 ) يا ماخذ الثنتين طلق حداهم ، إما خذاك البين ولا خذاهم






هذا اللي قدرت أنقله و إذا عندكم إضافات ممكن تفيدونا بها









الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
~*سدرة المنتهى*~

avatar

المساهمات : 271
تاريخ التسجيل : 11/04/2008

مُساهمةموضوع: رد: أمثال حساوية   الأحد مايو 25, 2008 12:52 am



موضوع سووووووبر كووووول رووووعة
اموت في اللهجة الحساوية والحسا وكل شي حساوي <<< خذها الحماس
نرجع لمحور حديثنا ...انا من زمان وانا ابي اجمع هالامثال ...
ما قصرتي جبتي امثال اغلبها بعد جديد علي خخخ <<< لاني ما اعرف في الامثال حيل
يعجبني مثل حلاة الثوب رقعته منه وفيه خخخ ..والمثل الاخير بعد عجبني ...
بس المشكلة اني ما احفظهم علشان اقدر اقولهم في المواقف خخخ

انا من الامثال اللي اذكرها ..

لا تنتفه قبل تصيده
معناته انو الواحد يقعد يخطط لشيء لسا ما صار ..
يعني مثلا يقول لين عطوني راتب اضافي بشتري لي لابتوب ...وهو لسا ما اخذ الراتب ...

وفيه مثل ثاني ...
طقاق المرة طلاقها ..
هذا واضح ما يحتاج اشرحه ...

وفيه مثل اللي يقول
متى بنى القصر قال امس العصر
هذا بعد واضح ينقال لين شخص انتقل من حالة لحالة اخرى وفي فترة بسيطة يقعد يزبخ ويزعط وينسى الحالة الاولية
ادري الشرح مدري شلون جاي بس انا اعرف متى اقول هالمثل .. geek

اذا ذكرت بعد بضيفهم ...


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ضوء القمر
مشرف
avatar

المساهمات : 233
تاريخ التسجيل : 05/04/2008

مُساهمةموضوع: رد: أمثال حساوية   الأربعاء مايو 28, 2008 2:42 am

اقتباس :
موضوع سووووووبر كووووول رووووعة
اموت في اللهجة الحساوية والحسا وكل شي حساوي <<< خذها الحماس
نرجع لمحور حديثنا ...انا من زمان وانا ابي اجمع هالامثال ...
ما قصرتي جبتي امثال اغلبها بعد جديد علي خخخ <<< لاني ما اعرف في الامثال حيل
يعجبني مثل حلاة الثوب رقعته منه وفيه خخخ ..والمثل الاخير بعد عجبني ...
بس المشكلة اني ما احفظهم علشان اقدر اقولهم في المواقف خخخ

انا من الامثال اللي اذكرها ..

لا تنتفه قبل تصيده
معناته انو الواحد يقعد يخطط لشيء لسا ما صار ..
يعني مثلا يقول لين عطوني راتب اضافي بشتري لي لابتوب ...وهو لسا ما اخذ الراتب ...

وفيه مثل ثاني ...
طقاق المرة طلاقها ..
هذا واضح ما يحتاج اشرحه ...

وفيه مثل اللي يقول
متى بنى القصر قال امس العصر
هذا بعد واضح ينقال لين شخص انتقل من حالة لحالة اخرى وفي فترة بسيطة يقعد يزبخ ويزعط وينسى الحالة الاولية
ادري الشرح مدري شلون جاي بس انا اعرف متى اقول هالمثل ..

اذا ذكرت بعد بضيفهم ...


أووو طلعتي حساوية قحة


يعجبني كثير المثل اللي كتبتيه : متى بنى القصر قال أمس العصر


أحس تحطيم مرررررررررررررة


و عندي مثل لازم تعرفينه أبوي سيد علي الله يرحمه كان دايما يقوله و أكيد بتعرفينه


دهنا في هريسنا


كان دايما يضربه و يستشهد به في شي معين


و عقبال المزيد من الإضافات




عدل سابقا من قبل ضوء القمر في الأربعاء يونيو 18, 2008 4:17 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
~*سدرة المنتهى*~

avatar

المساهمات : 271
تاريخ التسجيل : 11/04/2008

مُساهمةموضوع: رد: أمثال حساوية   الأربعاء مايو 28, 2008 1:09 pm



دهن في هريسنا ؟! احس انه جديد علي ..
بس لو سمعته فما اذكره scratch

المهم جبت لكم كم من مثل ...ماما تقولهم <<< كل الامثال اللي اعرفها ما تعلمتهم الا منها خخ

الزين زين لو قاعد من النوم والشين شين لو غسل عيونه

الدجاجة تموت وعينها في السبوس

تجمعوا القرعان على نتفة عصيدة

ما يعيب الا المعيوب ولا يخر الا القدير المنقوب


اذا تذكرت بعد بجي .. Very Happy <<< جاز لها الموضوع

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ضوء القمر
مشرف
avatar

المساهمات : 233
تاريخ التسجيل : 05/04/2008

مُساهمةموضوع: رد: أمثال حساوية   الثلاثاء يونيو 03, 2008 10:54 am





اقتباس :
دهن في هريسنا ؟! احس انه جديد علي ..
بس لو سمعته فما اذكره

المهم جبت لكم كم من مثل ...ماما تقولهم <<< كل الامثال اللي اعرفها ما تعلمتهم الا منها خخ

الزين زين لو قاعد من النوم والشين شين لو غسل عيونه

الدجاجة تموت وعينها في السبوس

تجمعوا القرعان على نتفة عصيدة

ما يعيب الا المعيوب ولا يخر الا القدير المنقوب


اذا تذكرت بعد بجي .. <<< جاز لها الموضوع



غريبة ما عرفتيه !!!


و ضحكتيني بالمثل الثالث : تجمعوا القرعان على نتفة عصيدة


بس احنا نقول تخانقوا القرعان على نتفة عصيدة

و عندي مثل تذكرته و دايما أستعمله : طرارة و متشرطة




و على راحتك الموضوع موضوعك











الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ريما

avatar

المساهمات : 5
تاريخ التسجيل : 10/06/2008

مُساهمةموضوع: رد: أمثال حساوية   الأحد يونيو 15, 2008 9:55 am

الف شكر على الموضوع
انا احب الامثال كثير لكن ما اعرف استخدمهم خاصة الامثال الحساوية ...
واغلب الامثال اللي ذكرتيها جديده علي ..



هذا المثل عجبني كثييييييييير:

اقتباس :
ما تعرف خيري إلا لما تجرب غيري



وهذا عجبني مع اني ما فهمت منه شي ولا اعرف متى ينقال !!!

اقتباس :
الدجاجة تموت وعينها في السبوس

بس للاسف ما اقدر افيدكم بأي مثل لاني ما اذكر لكن اول ما اسمع مثل راح احطه هني >>اذا ما نسيته خخخخخخخ('Very Happy')
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ضوء القمر
مشرف
avatar

المساهمات : 233
تاريخ التسجيل : 05/04/2008

مُساهمةموضوع: رد: أمثال حساوية   الأربعاء يونيو 18, 2008 4:24 am

اقتباس :
الف شكر على الموضوع
انا احب الامثال كثير لكن ما اعرف استخدمهم خاصة الامثال الحساوية ...
واغلب الامثال اللي ذكرتيها جديده علي ..



هذا المثل عجبني كثييييييييير:

مقالة:
ما تعرف خيري إلا لما تجرب غيري




وهذا عجبني مع اني ما فهمت منه شي ولا اعرف متى ينقال !!!

مقالة:
الدجاجة تموت وعينها في السبوس



بس للاسف ما اقدر افيدكم بأي مثل لاني ما اذكر لكن اول ما اسمع مثل راح احطه هني >>اذا ما نسيته خخخخخخخ('')



أهلين و سهلين بريما نورت الموضوع



و لا يهمك إن شاء الله أول ما تتذكرين أمثال تتحفين بها


من حوالي أسبوعين و أنا أسمع هالمثل من الأهل ( الوالدة و العمة ) و بصراحة عجبني كثير خصوصا أنه ينطبق على أجواء الغبار مررررررررررررررررررررررررة ( أصلا هم يستدلون به على هالأساس )


المثل هو :


الكحل في عين الرمدة خسارة ( الرمدة يعني العمية )








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ضوء القمر
مشرف
avatar

المساهمات : 233
تاريخ التسجيل : 05/04/2008

مُساهمةموضوع: رد: أمثال حساوية   الجمعة يونيو 20, 2008 3:57 am






البارحة طرا على بالي هالمثلين اللي يستعملهم الوالد ( الله يحفظه ) كثير

1ــ كل من جا نجر ما بقى في الدنيا شجر


2 ــ عط الخباز خبزه لو أكل نصه








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
~*سدرة المنتهى*~

avatar

المساهمات : 271
تاريخ التسجيل : 11/04/2008

مُساهمةموضوع: رد: أمثال حساوية   الخميس يوليو 03, 2008 4:28 am




اليوم جلست مع الوالدة وقلت لها يللا اشحذي ذاكرتك وعطيني امثال حساوية

هذا اللي ذكرته ...


شل من هاللنقة وحط في هاللنقة

هالمثل ينقال لما الواحد يشيل ويحط ويتعب نفسه والحصيلة ولا شي ..



اللي ما عنده عمل استكرى له جمل

يعني اللي فاضي ولا عنده شغل ...راح من الفضاوة اجر له جمل ..



لا طاح الجمل كثرت سكانينه

يعني انه دام الجمل واقف محد يقرب صوبه يخافون منه بس لين طاح قامو لك يتقيوون خخخخ

يعني ينقال حق اللي يتقيوون على الواحد لين صار ضعيف او مريض ..



لو كل من جا نجر ما ظل في الوادي شجر

اذا ما تعرف للصنعة لا تتدخل فيها وتسويها وانت ما تعرف لها بس تخربها ...



تدز روحها في سوق الخلاقين

يعني ما لها دخل في السالفة بس تتدخل ..



من طق طبله قال انا قبله

اللي كل ما انه سمعو شي بيصير .. صارو اول من يروح ..



حبني ربي وجمجم لي بصل اش دراك يا ربها انها جايعة ؟!

للي ما يتوقع الشي ويحصل ..

مثلا انا جايعة وما في الثلاجة شي ولا فيه حد يوديني اشتري ..

وفجاة تجي سما جايبة لي جالكسي جواهر خخخخ عرفتو ؟!





وبسسسسس اذا تذكرنا بنضيف ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ضوء القمر
مشرف
avatar

المساهمات : 233
تاريخ التسجيل : 05/04/2008

مُساهمةموضوع: رد: أمثال حساوية   السبت يوليو 05, 2008 11:45 am



~*سدرة المنتهى*~ كتب:






اليوم جلست مع الوالدة وقلت لها يللا اشحذي ذاكرتك وعطيني امثال حساوية

هذا اللي ذكرته ...

شل من هاللنقة وحط في هاللنقة

هالمثل ينقال لما الواحد يشيل ويحط ويتعب نفسه والحصيلة ولا شي ..

اللي ما عنده عمل استكرى له جمل

يعني اللي فاضي ولا عنده شغل ...راح من الفضاوة اجر له جمل ..

لا طاح الجمل كثرت سكانينه

يعني انه دام الجمل واقف محد يقرب صوبه يخافون منه بس لين طاح قامو لك يتقيوون خخخخ

يعني ينقال حق اللي يتقيوون على الواحد لين صار ضعيف او مريض ..

لو كل من جا نجر ما ظل في الوادي شجر

اذا ما تعرف للصنعة لا تتدخل فيها وتسويها وانت ما تعرف لها بس تخربها ...

تدز روحها في سوق الخلاقين

يعني ما لها دخل في السالفة بس تتدخل ..

من طق طبله قال انا قبله

اللي كل ما انه سمعو شي بيصير .. صارو اول من يروح ..

حبني ربي وجمجم لي بصل اش دراك يا ربها انها جايعة ؟!

للي ما يتوقع الشي ويحصل ..

مثلا انا جايعة وما في الثلاجة شي ولا فيه حد يوديني اشتري ..

وفجاة تجي سما جايبة لي جالكسي جواهر خخخخ عرفتو ؟!

وبسسسسس اذا تذكرنا بنضيف ..




إيش هالحركات قاعدة مع الوالدة تعلمك بالأمثال القديمة


وحلوة مررررررة الأمثال المذكورة و عجبتني كثير هالأمثال



حبني ربي وجمجم لي بصل اش دراك يا ربها انها جايعة ؟!



حبني ربي وجمجم لي بصل اش دراك يا ربها انها جايعة ؟!


لا طاح الجمل كثرت سكانينه



على فكرة اليوم العيال كانوا يتهاوشون فقامت وحدة منهم تستشهد بهالمثل المشهور


لا تدخل عصك في شي ما يخصك

و عندنا مثل جانا وقت نستعمله على طول وهو

من قام عن قرصه احترق

و احنا نستعمله عشان لين واحد مثلا قاعد على التلفزيون و قام لغرض معين و رجع يبي التلفزيون نضرب لمثل السابق ( كأن احنا نقوله خلاص راحت عليك هههه )

و تذكرت هالمثل بعد

الأعور على العميان باشا

( ما يحتاج له و إلا إيش رايك ؟ )

و هذا مثل قدييييييييييييييييييم من يوم إني بزورة أعرفه

أطرش في زفة

( للي ما يدري بالدنيا حوالينه )

خلصوا اللي عندي الحين أرجع لين تذكرت شي








_________________



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مليحة الأخلاق



المساهمات : 24
تاريخ التسجيل : 05/04/2008

مُساهمةموضوع: رد: أمثال حساوية   الأحد يوليو 06, 2008 6:01 am

تبون امثال حساويه الوالده حبيبه قلبي موسوعه متنقله بس مع الاسف ما تقدرين تاخذين منها الامثال الا في المناسبه Shocked
مسكينه تنسى حيل Neutral
واختي ورثت الهوس بالامثال جاتها فتره تدونها
يوه طولت عليكم الهذره شوفو الامثال:


حميد في عين امه زين afro
وهو مرادف للمثل القرد في عين امه غزال

الطول طول نخله والعقل عقل صخله What a Face

عومه ماكوله ومذمومه
وهو يضرب في الانسان اللي مهما يسوي ما يعجب الناس

اللي في الجدر يطلعه الملاس

بكره تطلع الشمس ويمتلي الحوي
يضرب في الخبر اللي اليوم سر وبكره راح الجميع يعرفونه

سيف تضرب به ولا رمح توعد به Embarassed
وهذا يضرب في مراره الانتظار وان معرفه الشىء مهما كان سيء افضل من انتظاره


الاكل اللي ما تشبع منه طق العصي اهون منه
يعني يا تاكل شهيتك من الشي او الافضل ما تاكل

ها عجبوكم الامثال ترى ما خلصت بس نعطي فرصه للبقيه
flower
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ضوء القمر
مشرف
avatar

المساهمات : 233
تاريخ التسجيل : 05/04/2008

مُساهمةموضوع: رد: أمثال حساوية   الأحد يوليو 06, 2008 8:29 pm


مشكورة مليحة الأخلاق على هالأمثال الحلوة


الله يحفظ لنا أمهاتنا ، موضوع بسيط و بيّن شقد أمهاتنا موسوعات و هذا ما تطرقنا لخبرتهم في مجالات ثانية


و اللي عجبني كثير " سيف تضرب به و لا رمح توعد به " مثل كشخة


على فكرة أمس تذكرت هالمثل و احنا صغار كنا نستعمله كثير ، طلعنا حركات نستشهد بالأمثال من صغرنا بس ما أسمعه هالأيام ، المثل الله يسلمكم


عين الحسود فيها عود

أو الحسود في عينه عود ما فيه فرق

عاد احنا بعدين يوم قمنا بنحاسد و يقولون لنا هالمثل نرد عليهم وين العود ورونا إياه ( ما فهمنا المجاز في المثل )

_________________



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أمثال حساوية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتديات آفاق :: أفق اللغات و الأدب-
انتقل الى: