هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالرئيسية  البوابةالبوابة  أحدث الصورأحدث الصور  التسجيلالتسجيل  دخولدخول  

 

 ألعاب شعبية قديمة

اذهب الى الأسفل 
2 مشترك
كاتب الموضوعرسالة
ضوء القمر
مشرف
ضوء القمر


المساهمات : 233
تاريخ التسجيل : 05/04/2008

ألعاب شعبية قديمة Empty
مُساهمةموضوع: ألعاب شعبية قديمة   ألعاب شعبية قديمة Icon_minitimeالجمعة يونيو 20, 2008 2:48 am



شلونكم مع الاختبارات ؟

إن شاء الله خلصتوا بس ؟


حبيت نجمع الألعاب الشعبية اللي كنا نلعبها و احنا صغار

1ــ يا فاطمة يا عائشة

يا فاطمة يا عائشة

اش تأكلي؟

حب الذرة

اش تشربي ؟

ماء الهنا

عندك عروسة ؟

أيوه

حلوة و جميلة ؟

أيوه

طبيلة وألا مسيقى ؟

( وهنا لازم نختار )

ألعاب شعبية قديمة 340a2f421f

2 ــ دور دور يا عصفور
دور دور يا عصفور

فاطمة بنت الرسول

عندها ورق حنا

تكتب على باب الجنة

والجنة ما أحلاها

ربي عطيني و ياها


ألعاب شعبية قديمة 340a2f421f

3ــ لعبة جبل بحر

ألعاب شعبية قديمة 340a2f421f

4ــ مين في المطبخ

مين في المطبخ ؟

أنا الحرامي

بتعمل إيه

أسن أسناني

علشان إيه ؟

عشان آكلك

تاكل مين؟

وحدة منكم ؟

هي دي

لا مش دي

ألعاب شعبية قديمة 340a2f421f


5 ــ يا بنات يا بنات

يا بنات يا بنات

أيوه

أبوكم مصري ؟

أيوه

قاعد على الكرسي ؟

أيوه

بيعد فلوسو ؟

أيوه

علشان عروستو ؟

أيوه

عروستو حلوة ؟

أيوه

زي الطماطة ؟

أيوه

ألعاب شعبية قديمة 340a2f421f


6 ــ حمودي نودي نودي

حمودي نودي نودي

سلموا على سيودي

سيودي راح مكة

جاب لي ثوب و عكة

حطيتة في صندوقي

صندوقي ما له مفتاح

و المفتاح عند الحداد

والحداد يبي فلوس

و الفلوس عند العروس

و العروس تبي حليب

و الحليب عند البقر

و البقر يبي حشيش

و الحشيش فوق الجبل

و الجبل يبي مطر

و المطر بيد الله

الله يسلم عبد الله

ألعاب شعبية قديمة 340a2f421f


7 ـ قال قيل

قال قيل

أن الفيل

قتل قبل

طلوع الشمس

ألعاب شعبية قديمة 340a2f421f


8 ــ طاق طاق طقية

طاق طاق طقية

رن رن يا جرس

حول و اركب على الفرس

ألعاب شعبية قديمة 340a2f421f



9 ــ فتحي يا وردة

فتحي يا وردة

سكري يا وردة

فتحي يا وردة

سكري يا وردة

الخخخ

ألعاب شعبية قديمة 340a2f421f



و ذي مش لعبة بس مرتبطة بالألعاب لأنها تسبق الألعاب في بعض الأحيان

عقرة بقرة

عدي العشرة

واحد اثنين

ثلاثة أربعة

خمسة ستة

سبعة ثمانية

تسعة عشرة

ألعاب شعبية قديمة 340a2f421f

هذا اللي قدرت عليه الحين هههههههه



أشوف إذا تذكرت بعد و الله الله في الإضافات نبي نسوي موسوعة الألعاب الشعبية cheers









عدل سابقا من قبل ضوء القمر في السبت يونيو 21, 2008 5:17 am عدل 2 مرات
الرجوع الى أعلى الصفحة اذهب الى الأسفل
~*سدرة المنتهى*~

~*سدرة المنتهى*~


المساهمات : 271
تاريخ التسجيل : 11/04/2008

ألعاب شعبية قديمة Empty
مُساهمةموضوع: رد: ألعاب شعبية قديمة   ألعاب شعبية قديمة Icon_minitimeالجمعة يونيو 20, 2008 11:43 am


خلصنا من زمااااان ..
وزهقنا من الاجازة بعد خخخ ..
المهم عجبتني الفكرة ..يا حبني للتراث الحساوي هههه
ما قصرتي وكملي دام انك بدأتي ..
لان انا اخاف الخبط في بعض الكلمات لو بكتبها ..واغلبها نسيتها
<<< زين مني اعرفها مع اني ما عشت هنا ..
المهم ..لا تنسين بعد انشودة القرقيعان والنافلة ..

وثانكس ع الموزوع اللزيز
الرجوع الى أعلى الصفحة اذهب الى الأسفل
ضوء القمر
مشرف
ضوء القمر


المساهمات : 233
تاريخ التسجيل : 05/04/2008

ألعاب شعبية قديمة Empty
مُساهمةموضوع: رد: ألعاب شعبية قديمة   ألعاب شعبية قديمة Icon_minitimeالسبت يونيو 21, 2008 5:01 am





اقتباس :
خلصنا من زمااااان ..

عالبركة لووووووووووووووووووي lol!

اقتباس :
وزهقنا من الاجازة بعد خخخ ..

ما أسرع اشذا Suspect

اقتباس :
المهم عجبتني الفكرة ..يا حبني للتراث الحساوي هههه

زين عجبتك الفكرة ، إيه كلام يشجع

طلعتي حساوية مية المية مع أنك سنين عمرك في الغربة !!!


اقتباس :
ما قصرتي وكملي دام انك بدأتي ..

الحين أقول ساعدوني تقولين كملي !!

يا الله اللي بتذكره بكتبه و أحاول أتأكد من الباقي



اقتباس :
لان انا اخاف الخبط في بعض الكلمات لو بكتبها ..واغلبها نسيتها

اللي يسمع يقول أنا ما ألخبط Shocked ما تدرين أني راجعت سما في بعضهم ( ما أستحي ما شكرتها ههههه )

اقتباس :
<<< زين مني اعرفها مع اني ما عشت هنا ..

صحيح زين منك

اقتباس :
المهم ..لا تنسين بعد انشودة القرقيعان والنافلة ..

يا حليلك على نياتك ما تدرين أني عصرت مخي أبي أطلع بداية النافلة و بالموت طلعت

حجو حجو مدينة

و لازم عاد ألخبط بين القرقيعان و النافلة ، إذا أنت عارفتهم عدل كتبيهم و إلا استني لين أراجع الأهل خخخخخ ( فشيلة كأني ما عمري قرقعت و لا نفّلت )


اقتباس :

وثانكس ع الموزوع اللزيز


العفو و عقبال ما نقرا إضافاتك !!

و ترقبي الألعاب الجاية ( أسوي دعاية geek )


الرجوع الى أعلى الصفحة اذهب الى الأسفل
ضوء القمر
مشرف
ضوء القمر


المساهمات : 233
تاريخ التسجيل : 05/04/2008

ألعاب شعبية قديمة Empty
مُساهمةموضوع: رد: ألعاب شعبية قديمة   ألعاب شعبية قديمة Icon_minitimeالأحد يونيو 22, 2008 5:07 am



أهلين و سهلين

جاية أقرقع و أنفّل ( tongue )

1ــ القرقيعان

قرقع قرقع قرقيعان

يا امّ اقصير و رميضان

عطونا الله يعطيكم

بيت مكة يوديكم

يوديكم لاهاليكم

عن المطر و الرعد

سلوا سليلة الذهب

و العيش عيش القارة

طارت ابه السحارة

هذا النبي في حضرته

يا فارشين سجادته

جات الغزالة ورادته


عام عام يا صيام

جعلكم تصومونه

كله كله بالتمام

الله يعز الإمام

اللي عطانا خوخ و رمان

الله يعز السيد

اللي خلانا نعيد

عطونا عيدنا

عادت عليكم

امّه ثواب و إلا جواب ؟

و إلا نتيفة من صاير الباب


شسم وليدكم ؟

( عاد هنا اختاري اسم و أنا اخترت علي )

لمّا علي ما جينا

كب الكيش يعطينا

يا رب تخليه لأمه

يعل القمة ما تقمهْ

و لا تقمه عن أمه

قاعدة على التينة

ينشر فساتينه

قاعد على البمبرةْ

في يده سيف و خنجره

نوقف الحمير و إلا نسوقه


2 ــ النافلة
حجو حجو مدينةْ

و لقيمة السمينة

توديكم للمدينة

و لقيمة الحمرة

توديكم للجمرة ( رمي الجمرات في مكة )

و لقيمة الخضرة

توديكم للحضرة

و لقيمة الصفرة

توديكم للبصرة

و لقيمة السودة

توديكم للسادة

شسم بنيتكم

لوما سدرة ما جينا

كب الكيس يعطينا

يا رب تخليه لامه

يعل القمة ما تقمه

و لا تقمه عن أمه

قاعد على التينة

ينشر فساتينه

قاعد على البمبرةْ

في يده سيف و خنجره

نوقف الحمير و إلا نسوقه


ملاحظة : أحب أقولك أني مو حافظة القرقيعان و النافلة عدل و رجعت للأهل فيهم و المكتوب باللون البرتقالي مو ضمن اللي كنت أقوله يوم كنت صغيرة هذا مأخوذ من الوالدة ( الله يحفظها و يعافيها ) و عجبتني طريقهم مرررررررررررررررررررررررررررررررررررررة و حبيت أكتب الزيادات









الرجوع الى أعلى الصفحة اذهب الى الأسفل
~*سدرة المنتهى*~

~*سدرة المنتهى*~


المساهمات : 271
تاريخ التسجيل : 11/04/2008

ألعاب شعبية قديمة Empty
مُساهمةموضوع: رد: ألعاب شعبية قديمة   ألعاب شعبية قديمة Icon_minitimeالأحد يونيو 22, 2008 1:08 pm


خخخخخ انا اللي حافظته مع الاضافات البرتقالية ..
ولين بتقولين عطونا عيدنا عادت عليكم ..
تقولين : جعل الحزن ما يدخل عليكم ..
انتي ما كتبتي هالجملة ..
وهم عقب يوديهم لاهاليهم ..
فيه جملة ويلحفهم بالجاعد
تالي عن المطر والرعد ..
عاد لا تساليني وشو ذا الجاعد ترا ما اعرفه Embarassed

المهم يللا سوقي الحمير tongue
ما عندنا شي نعطيك <<< العيارة جنبها كيسة تشيبس مرامي وبسكوت نبيل خخخخ
المهموووز قررت احن واتعطف عليك ..
tongue لانك تعبتي كله انتي فبحط لك شي ..
ولو انه هالايام حدي ما لي خلق احط مواضيع او حتى ردود طويلة ..
المهم هاذي يقولونها عقب ما يخلصون القصة <<< مو لازم العاب صح ؟ المهم اناشيد خخخخ

رمانة للمسيلفشي ورمانة للي يحشي ورمانة للي يستمع وانا ليه القروف عسانيه احج واطوف
وبيضة للمسيلفشي وبيضة للي يحشي وبيضة للي يستمع وانا ليه القشور عسانيه احج وازور


جاتني فكرة يبي لي اجمع الاناشيد الفارسية اللي اعرفها في موضوع خخخخ بيطلع نااايس ..
الرجوع الى أعلى الصفحة اذهب الى الأسفل
ضوء القمر
مشرف
ضوء القمر


المساهمات : 233
تاريخ التسجيل : 05/04/2008

ألعاب شعبية قديمة Empty
مُساهمةموضوع: رد: ألعاب شعبية قديمة   ألعاب شعبية قديمة Icon_minitimeالثلاثاء يونيو 24, 2008 6:07 am

اقتباس :
خخخخخ انا اللي حافظته مع الاضافات البرتقالية ..
ولين بتقولين عطونا عيدنا عادت عليكم ..
تقولين : جعل الحزن ما يدخل عليكم ..
انتي ما كتبتي هالجملة ..
وهم عقب يوديهم لاهاليهم ..
فيه جملة ويلحفهم بالجاعد
تالي عن المطر والرعد ..
عاد لا تساليني وشو ذا الجاعد ترا ما اعرفه

زين منك عارفة هالأشياء ترا أنا أول مرة أسمعهم

و ذي الجملة على أساس أني كتبتها بس الظاهر أني ما انتبهت و ما كتبتها يبي لي أعدل المساهمة



اقتباس :
المهم يللا سوقي الحمير
ما عندنا شي نعطيك <<< العيارة جنبها كيسة تشيبس مرامي وبسكوت نبيل خخخخ
المهموووز قررت احن واتعطف عليك ..
لانك تعبتي كله انتي فبحط لك شي ..
ولو انه هالايام حدي ما لي خلق احط مواضيع او حتى ردود طويلة ..
المهم هاذي يقولونها عقب ما يخلصون القصة <<< مو لازم العاب صح ؟ المهم اناشيد خخخخ

مو مهم أنشودة و إلا لعبة كتبي اللي تحبين حتى لو ذكريات مع هالألعاب و الأناشيد و أيام القرقيعان و النافلة و العيد


باختصار كتبي اللي تحبين تكتبينه


اقتباس :
رمانة للمسيلفشي ورمانة للي يحشي ورمانة للي يستمع وانا ليه القروف عسانيه احج واطوف
وبيضة للمسيلفشي وبيضة للي يحشي وبيضة للي يستمع وانا ليه القشور عسانيه احج وازور


حلوة بس بصراحة ما عرفت أقرأ هالكلمة مش عارفة معناها للمسيلفشي

إذا ما عليك أمر توضحين معناها ليه ( و تخصص أدبي خخخ )


اقتباس :
جاتني فكرة يبي لي اجمع الاناشيد الفارسية اللي اعرفها في موضوع خخخخ بيطلع نااايس ..

عاد عليك تترجمينهم لنا علشان نفهم
الرجوع الى أعلى الصفحة اذهب الى الأسفل
~*سدرة المنتهى*~

~*سدرة المنتهى*~


المساهمات : 271
تاريخ التسجيل : 11/04/2008

ألعاب شعبية قديمة Empty
مُساهمةموضوع: رد: ألعاب شعبية قديمة   ألعاب شعبية قديمة Icon_minitimeالثلاثاء يونيو 24, 2008 7:51 am



قولي لعمتي تقراها لك اكيد بتعرف لها Razz
المسيلفشي سلمك الله هو اللي يسولف يعني يقص القصة ..والشين هونا تلتفظ ch بس ما عندنا اياها في الكي بورد خخخ ..

وان شاء الله لين ريحت الماما اخليها تذكرني باشيا واضيفهم هوونا ...
سي يا ..
الرجوع الى أعلى الصفحة اذهب الى الأسفل
ضوء القمر
مشرف
ضوء القمر


المساهمات : 233
تاريخ التسجيل : 05/04/2008

ألعاب شعبية قديمة Empty
مُساهمةموضوع: رد: ألعاب شعبية قديمة   ألعاب شعبية قديمة Icon_minitimeالثلاثاء يونيو 24, 2008 10:15 am

اقتباس :
قولي لعمتي تقراها لك اكيد بتعرف لها
المسيلفشي سلمك الله هو اللي يسولف يعني يقص القصة ..والشين هونا تلتفظ ch بس ما عندنا اياها في الكي بورد خخخ ..

إي قولي كذا من الأول خليتني أفر راسي أحاول أقراها و أفهمها و لا أكو فايدة

اقتباس :
وان شاء الله لين ريحت الماما اخليها تذكرني باشيا واضيفهم هوونا ...
سي يا ..

إيه منذا قدها جات الماما و بتدلل عليها Razz أهم شيء لا تلعوزينها

و ننتظر إضافاتك





الرجوع الى أعلى الصفحة اذهب الى الأسفل
ضوء القمر
مشرف
ضوء القمر


المساهمات : 233
تاريخ التسجيل : 05/04/2008

ألعاب شعبية قديمة Empty
مُساهمةموضوع: رد: ألعاب شعبية قديمة   ألعاب شعبية قديمة Icon_minitimeالأربعاء يوليو 16, 2008 2:06 am







صار لي مدة ما دخلت الموضوع و أضفت جديد فيه و اليوم قلت لازم أكتب هذي النشيدة بعد ما تذكرتها ( ما أدري إذا كان مصطلح نشيدة مناسب و إلا لا ؟ )

المهم من زمان و أنا أعصر مخي أبي أتذكر البداية لحاجة كنا نرددها واحنا صغار و طلعت البارحة فجأة

شامبو بمبو


و اللي بجنبو


يطلع برة


آخر مرّة



أحد منكم يذكرها







الرجوع الى أعلى الصفحة اذهب الى الأسفل
 
ألعاب شعبية قديمة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتديات آفاق :: أفق التسالي و الألغاز و الطرائف-
انتقل الى: