موضوع: ~*~ الكوسى بالجبنة ~*~ الخميس أبريل 17, 2008 5:54 am
السلام عليكم ورحمة الله وبركاته
هذا موضوع الطبق اللي بالكوسى اهداء لضوء القمر .. مررررة لذيذ ...اذكر ماما كانت دايم تسويه لنا ..بس ما شفت حد يسويه غير بيتنا ..خخ
المقادير
كوسى لحمة مفرومة طماطا بهارات ملح جبنة بيتزا
الطريقة
1- تاخذين الكوسى وتقطعينها طوليا بالنص زي الخيارة يعني ... تالي كل نص تحفرينه على شكل قارب (تجويف من الداخل ) بس خلي بالك الجوانب لا تشيلينها وحتى القشر .. عشان تصير ارتب وما يطلع الحشو ..
2- تاخذين اللحمة المفرومة وتخلطين معاها طماطا مفرومة وبهارات وملح يعني تتبلينها ... واذا تحبين تحطين مع اللحمة جزء من الكوسى اللي طلعتيها لما كنتي بتسوين التجويف ... بس قطعيها صغار صغار وخلطيها مع اللحمة ..
3- طلعي صينية وصفي فيها الكوسايات ..واملئي تجاويفها بالحشوة .. بعدين خذي جبنة البيتزا المبروشة وكبيها على الكوسايات من فوق ..وكثري على اساس تطلع احلى وكنها بيتزا ...
4- حطي شوية ماي ع الصينية عشان لا تحترق الكوسى وغطي الصينية بقصدير وحطيها في الفرن .. وشيكي عليها كل شوي ع ساس لين خلص الماي تضيفين او ضيفي من البداية كمية كافية ..
5- لين استوت يبقى انك تشيلين القصدير وتقربينها من اللهب العلوي للفرن ع ساس الجين ياخذ لون احمر ..
الرئيسية 
البوابة 
أحدث الصور 
الخميس أبريل 17, 2008 5:54 am
