~*~ بطاقة شخصية / للتعارف / الإجابة إجبارية ~*~

اقتباس :

كأني ناوية على روحي لو تجيبين أسئلة انتِ مطلعتهم كان جد الله يعين

خخخخ زين عرفتي اذا تبين روحي لعبة الاحراج هناك اسئلة عيار ثقيل يا قوية

اقتباس :

بس تدرين بالمشاركة الأولى صدقت انو الاسم الحقيقي مطلوب كان واي فضيحة ما حد بالعائلة بهالاسم غيري يمكن.

شنو يمكن ؟ اش هالعيارة ؟! خخخ تبين تموهين ادري عنك ..

اقتباس :

*فصيله الدم:O لكن موجب أو سالب ما أذكر.

اتوقع موجب لان السالب حالات نادرة ..
بس تاكدي لانه ضروري مررررررة لين الوحدة بتولد ..<<< تبي تتكفخ

اقتباس :

حركات انا 2 × 1 مو انتِ بس عمه .

انا صرت عمة قبل لا اصير خالة ..وهاذي في حد ذاتها حركة قليلة الحدوث

اقتباس :

* اللون الذي تحبه: كل الألوان وأكثرها الأزرق بتدرجاته , سيد الألوان.
لو لم يكن أجمل الألوان أزرقها / ما اختاره الله لوناً للسماوات.

خخخخخ ذوقك ولادي ..لان الازرق لون الاولاد

اقتباس :

* شرابك المفضل: امممم , العصيرات وأفضل كل شي مو غازي

خخخخ شنو تبين تفشليني ؟ لا يا قلبي ..ترا انا ما افتشل من كوني اشرب كل يوم قوطي غازي
بالعكس اصلا افتخر خخخخ

المهم ...
تعالي هنا فيه كم من سؤال ما جوابتيهم ..وانا بعدي لك كم واحد ..ومنهم حق الحالة الاجتماعية تكرما مني خخخ
وبحط لك المهمين ...
* هل تؤمن بالحب :
* رأيك بـ الصداقـه بيـن الجنسيـن:

وميغسي ع الاجابة الشبه نموذجية واللي اعطيك عليها 8 من 10

Bienvenue الحين خذت 10 ولا لا ؟

بس معقولة 8 درجات على المليون سؤال اللي فوق و2 على سؤالين بس, الحمد لله انك ما تحطين اسئلة اختبارات للطالبات ولا تصححين [/b][/center]

السلام عليكم

انا عضوة جديدة حبيت اول مشاركة لي تكون هنا عشان تتعرفون علي وان شاء الله اكون عضوة خفيفة على قلوبكم... اترككم مع بطاقتي الشخصية :



*اسمك : ريما


*مكان الاقامه: الاحساء


* الجنسية: سعودية


*العمر: ماله داعي الاحراج صح؟!


*فصيله الدم: +B


*تعـانـي من مرض معين او مـرض وراثي: ان شاء الله ما فيني الا العافية


* الحالة الاجتماعية: متزوجة


* عدد الأولاد إن وجد: 2 الله يحفظهم ويخليهم لي


* عدد الاخوان والاخوات: وايد ايش يعدهم الحين


* ترتيبك بين اخوانك واخواتك: الكبيرة


* هـل اصبحت: (المرجو الاجابة بنعم او لا)


1. أم ايوا


2. عمه قريب ان شاء الله


3. خاله هم قريب ان شاء الله


* المستوى التعليمي: بكلريوس


* عدد اللغات: عندي اشوي انجليزي واسعى لتطوير نفسي .. اللغات اللي حاولت اتعلمها ولا فلحت هي الفارسية ومليت من اول اسبوع والامانية ومليت من اول يوم ههههه لاحد يسألني شمعنى الماني لاني ما ادري بس كذا حبيت اجرب شي جديد


* الهوايات: وايد لو بعد بتعب كل يوم طالعه بشي جديد .. لكن الهوايه الوحيده اللي استمريت علها وما تركتها من لما كنت صغيره الى الان هي الاشغال اليدوية عموما اعتبرها فن ..ابداع و ذوق


* افضل شهـر بالسنه هجري و ميلادي والسبب: بالهجري رمضان لانوا كلوا حلو من اول لية الى اخر ليلة ليلة العيد له نكه خاصة تميزه عن كل الشهور .. ويعجبني يوم معين في شهر ذو الحجة لانوا صار فيه اهم حدث في حياتي اللي هو ارتباطي برفيق دربي وشريك حياتي..
اما ميلادي ما عندي شهر مميز عادي..


*حلمك في الحياة: تلاشت احلامي مع مشاغل البيت والعيال


* أجمل سنوات مرت عليك: شقاوة الطفوله كل ايمها كانت حلوه


* البرامج المفضلة: عادي اي بنامج حلو ومفيد او فيه تجديد ممكن اشوفه المهم ماله دخل بالسياسة


* أجمل بلد زرتها: كل البلدان اللي زرتها عجبتني


* أفضل سيارة في نظرك: عموما احب السيارات اليابانية احسها اجمل من الامريكية


* اللون الذي تحبه: الاسود والابيض


* اللون الذي لا تحبه: كل الالوان في موقعها الصحيح حلوة وكل الاوان ما تنحط بالمكان المناسب مو حلوة حتى لو كنت احبها .. باختصار تناسق الاوان ودرجاتها هو المهم


* مثلك الأعلى: اهل البيت عليهم سلام الله


* حكمتك في الحياة : ما عادت الحكم تستهويني مثل قبل !


* ما الذي يحزنك : احزن لما اشوف اي شخص حزين او مهمو او يتألم ايا كان هذا الشخص .. واكثر شي يحزني لما اتسبب بأذيت احد دون قصد مني او شعور


* ما الذي يفرحك : لما اسوي اي شي يسعد اللي حوالي ويكونوا راضيين عنه .. لما امسك اعصابي وقت الغضب لاني اعتبره انجاز ههههههههه


* أفضل شخصية في رأيك: ما عندي شخصيه مفضله


* لو خيروك تكون مشرف أي قسم تختار: ارفض اختار


* هل تؤمن بالحب : اكيد لا حياه ولا عطاء من دون حب الحب موجود في جميع العلاقت


* رأيك بـ الصداقـه بيـن الجنسيـن: لا اعترف بهذا النوع من الصداقه واشوفها مستحيله خاصة بمجتمعنا


* شرابك المفضل: البارد المشروبات الغازية والساخن القهوة بدون منازع


* أكلتك المفضلة: وايد اكلات تعجبني


*رايك في المنتدى : ما اقدر اعطي رايي الان لاني بعدي جديدة وما تعرفت عالمنتدى والعضوات اللي فيه زين لكني اتوقع اني برتاح فيه عشان كذا انضميت لكم


* كلمة اخيرة ودك تقولها : اتمنى انكم تعرفتو علي من خلال بطاقتي الشخصيه والشكر للجميع و لسدرة على وجه الخصوص على هذا الموضع

اقتباس :

عصرت مخي ابي الاقي وحدة عرست في ذي الحجة وتنطبق عليها مواصفاتك بس ما لقيت ههه
شكلي ما اعرفك شخصيا ^_^

افا !!!!!!!!!

لا انتي تعرفيني وانا كنت متوقعه انك بتعرفيني من اول رد لي وكنت حطه لهذا احتمال 90%
لكن الظاهر اني ما عرفت عن نفسي باسلوب واضح وهذا معناه اني ما استحق الـ 10/10ههههههه

على فكرة انا ما كان زواجي في ذي القعدة كان العقد تبعي هو اللي فيه وانا اعتبره جدا تاريخ مميز ولاحظي انا قلت ارتباطي كنت اقصد العقد ما قلت زواجي !

خلاص ما راح اوضح اكثر عشان يكون فيه اشوية غموض واكشن
وانا واثقه انك راح تعرفيني بسرعة ..

اقتباس :

بس عذري البنات هالفترة اختبارات فما حد حولك ...

انا عارفه الله يوفق الجميع ان شاء الله ويسهل عليهم .. كنت ناويه استنى لبعد الاختبارات عشان الحماس لكن ما قدرت اشعر بملل مو طبيعي هاليومين فقلت اشارك يمكن فيه ناس ماتختبر!!!

اقتباس :

العفوووو وشكرا لك على تحمل طول وثقالة الاسئلة

بالعكس عجبتني وايد ولا ما حطيت اول رد لي هنا مشكوره مره ثانية